जळगाव ः शहरात गुन्हेगारीच्या (Crime) आलेख वाढत असून शुल्लक कारनावरून खुन, हानामारी तसेच गोळीबाराच्या (Firing) घटना या घडत आहे. आज देखील जळगाव शहर गोळीबाराने हादरले असून यात मात्र मनुष्याचा मृत्यू झाला नसून एका मुक्या प्राण्याचा मृत्यू झाला आहे. एका मांजरीने (Cat) कोंबडीच्या पिल्लावर झडप घातल्याच्या कारणावरून माथेफिरुने या मांजरीवर चक्क बंदुकीची गोळी झाडून ठार (Death) केल्याची धक्कादायक घटना ही घडली. त्यानुसार तालूका पोलिसांत (Police) या प्रकरणी गुन्ह्याची नोंद करण्यात आली आहे.

जळगाव शहरातील वाघ स्टाॅप पुढील गिरणा पंपीग रोडावरील गुरुकृपा काॅलनी येथे पुष्पराज प्रमोद बाणाईत (वय-२१) कुटूंबीयांसह वास्तव्यास आहेत. त्यांनी दोन मांजरी पाळल्या असून त्यांच्या शेजारी राहणाऱ्यांनी देखील कोंबड्या पाळल्या असून आज सकाळी एका मांजरीने कोंबडीच्या एका पिल्लावर झडप घालत शिकार केली. आपल्या कोंबडीचे पिल्लू मारल्याचा राग शेजारी राहणाऱ्यांना अनावर होवुन या माथेफिरूने घरातून चक्क छऱ्याची बंदूक आणत थेट मांजरीच्या दोन्ही डोळ्यांच्या मधोमध गोळी झाडली. क्षणात मांजर खाली कोसळून तरफडत मेली.

मी असाच आहे..आता काळ्या मांजरीचा नंबर
बाणाईत यांच्यासह परिवाराने शेजारी राहणाऱ्या हेमराज ओंकार सोनवणेला जाब विचारला असता ‘मी असाच आहे असे उद्धटपणे बोलून.. आता या काळ्या मांजरीचा नंबर आहे..असे सांगत या मांजरीवरही बंदुक रोखल्याचा सर्व घटनाक्रम मोबाईल कॅमेरात कैद झाला. याप्रकरणी तालूका पेालिसांत या प्रकरणी तक्रार दाखल करण्यात आली आहे.

व्हिडीओ व्हायरल..
बंदुकीने मांजरीच्या कवटीचा वेध घेणाऱ्या हेमराज सोनवणे याचा हा व्हिडीओ काही वेळातच व्हायरल झाला, प्रसारमाध्यमांसह तो, पोलिसांपर्यंत पोहचल्याने सहाय्यक पोलिस अधीक्षक कुमार चिंता यांनी गंभीर दखल घेत या प्रकरणी कारवाईच्या सुचना दिल्या. घडल्या प्रकारात तालूका पेालिसांनी गुन्हा दाखल केला आहे.

संशयीत वन्य जीव संस्थेशी संबधीत?
पुष्पराज बाणाईत यांच्या तक्रारीवरुन हेमरांज सेानवणे यांच्यावर गुन्हा तर दाखल झाला असून संशयीत हा काही काळी वन्यजीव संस्थेशी देखील संबधीत असल्याची माहिती समोर आली आहे. त्यामुळे घडलेली घटना गंभीर असल्याचे वन्यप्रेमींकडून बोलले जात आहे.