जळगाव : जिल्ह्यात कोरोनाचा (corona) संसर्ग कमी होत असून, नव्या रुग्णांची संख्या आता पन्नासच्या टप्प्यात आली आहे. शनिवारी (ता. १९) तर चार महिन्यांतील नीचांकी रुग्णंसख्येचा (Pationt) आकडा आला आहे. शनिवारी ४८ नवीन रुग्ण आढळून आले, तर ११९ रुग्णांनी कोरोनावर मात केल्याने त्यांना घरी सोडण्यात आले. दिवसभरात एका रुग्णाचा मृत्यू (Death) झाला. (low number of patients after four months in jalgaon district)
जळगाव जिल्ह्यातील कोरोनाचा संसर्ग कमी होत असून, सध्या दिलासादायक चित्र आहे. शनिवारी प्राप्त अहवालात ४८ रुग्ण आढळून आले. जिल्ह्यातील एकूण रुग्णसंख्या एक लाख ४१ हजार ८८६ झाली आहे, तर ११९ रुग्ण बरे झाले. बरे होणाऱ्यांचा आकडा एक लाख ३७ हजार ८८४ वर पोचला आहे. रिकव्हरी रेट ९७.१८ टक्के झाला आहे. मुक्ताईनगर तालुक्यातील ७५ वर्षीय पुरुषाचा मृत्यू झाल्याची नोंद असून, बळींचा आकडा दोन हजार ५६८ झाला आहे.
...असे आढळले रुग्ण
जळगाव शहर- ११, जळगाव ग्रामीण- पाच, रावेर- एक, अमळनेर, चोपडा, पाचोरा, भडगाव, जामनेर प्रत्येकी दोन, यावल- तीन, जामनेर- तीन, पारोळा- तीन, चाळीसगाव- १६.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.