जळगाव : भोसरी येथील जमीन खरेदी प्रकरणी माजी मंत्री एकनाथ खडसे यांच्या (Eknath Khadse) पत्नी तथा जिल्हा दूध संघाच्या अध्यक्षा मंदाकिनी खडसे (District Milk Association President Mandakini Khadse) यांना बुधवारी (ता. १८) ईडीच्या (ED) कार्यालयात हजर राहण्याबाबत समन्स बजाविण्यात आला आहे.

भोसरी (पुणे) येथील एमआयडीसीची जमीन मंदाकिनी खडसे व जावई गिरीश चौधरी यांच्या नावाने खरेदी करण्यात आली आहे. याप्रकरणी चौधरी यांना अटक झाली असून, ते सध्या न्यायालयीन कोठडीत आहे. तर याआधी खडसेंचीही चौकशी झाली आहे.
श्रीमती खडसे यांना यापूर्वीच चौकशीसाठी समन्स बजावण्यात आले होते. मात्र, त्यांनी त्यासाठी मुदत मागून घेतली होती. आता त्यांना बुधवारी हजर राहण्याचे सूचित करण्यात आले आहे. त्यामुळे याकडे सर्वांचे लक्ष लागले आहे.