पारोळा : देवगाव येथील शेतकरी युवराज साहेबराव पाटील हे त्यांच्या शेतातील शेडमध्ये शर्ट, पॅन्ट लावून पिकांना पाणी देत असताना त्यांचा सालदार राकेश बारेला याने त्यांच्या टांगलेल्या पँटच्या खिश्यातील 50 हजार रुपये काढून पोबारा केल्याची घटना घडली.

याबाबत पारोळा पोलिसात चोरीचा गुन्हा युवराज साहेबराव पाटील रा. देवगाव यांच्या फिर्यादीवरून गुन्हा दाखल केला आहे. देवगाव ता. पारोळा शिवारातील फिर्यादीचे शेत गट क्र 122 मध्ये कपाशी लावलेली असुन शेतकरी युवराज पाटील हे कपाशी पिकाला पाणी देण्यासाठी गेलो होतो. त्यावेळी त्यांच्या शेताचे राखण करणारा मजुर राकेश बारेला रा. सेधवा (मध्यप्रदेश) हा देखील शेतात काम करीत होता.

आणि संधी साधली..

अंगावरील कपडे ओले होवु नये म्हणुन पाटील यांनी शेतातील पत्री शेड मध्ये ठेवले. पन्टमध्ये असलेली रोख रक्कम पन्नास हजार रुपये होते. शेतातकून काम आटपून घरी पोहचल्यावर पैसे पॅन्ट मध्ये नव्हते. त्यानंतर सालदार राकेश बारेला हा देखील गायब झाला असून त्याच्या विरुद्ध पारोळा पोलिसात चोरीचा गुन्हा दाखल करण्यात आला असून पुढील तपास हवलदार सुधीर चौधरी हे करीत आहेत.