खिर्डी (ता. रावेर)  : जळगाव जिल्हा प्राथमिक शिक्षण विभाग आणि प्राथमिक शिक्षणाधिकारी यांच्या मार्गदर्शनाखाली 'आपला जिल्हा- आपले उपक्रम' हे ई-पुस्तक तयार करण्याचा नाविन्यपूर्ण उपक्रम लॉकडाउन काळात राबविण्यात आला. 

ई -पुस्तकाची संकल्पना राजुरी (ता. पाचोरा) शाळेच्या मुख्याध्यापिका अरुणा मुकुंदराव उदावंत व शहापुरा शाळेचे उपशिक्षक पंकज पालीवाल यांनी मांडली. प्राथमिक शिक्षण विभागामार्फत आयटी सेलची निर्मिती करण्यात आली असून या अंतर्गत इ - बुक संपादनाची जबाबदारी शिक्षण विस्तार अधिकारी विजय पवार यांनी सांभाळली. संभाजी हावडे यांनी सहकार्य केले. पुस्तक प्रकाशनासाठी तयार असून लवकरच प्राथमिक शिक्षण विभाग त्याचे ऑनलाइन प्रकाशन करणार आहे. 

या पुस्तकात शिक्षकांचे अभिनव उपक्रम समाविष्ट केलेले असून त्यापासून इतरांना प्रेरणा मिळावी या उद्देशाने जिल्ह्यातील शिक्षकांकडून लॉकडाउनच्या कालावधीचा उत्कृष्टरित्या उपयोग करून घेतला व लेखन कौशल्य प्रोत्साहन दिले. चार भागात टप्प्याटप्प्याने सर्वांसमोर ई पुस्तकाच्या रूपाने मांडणार आहे. या उपक्रमासाठी जिल्हा परिषद अध्यक्षा रंजना पाटील, उपाध्यक्ष लालचंद पाटील, शिक्षण सभापती रवींद्र पाटील यांनी शुभेच्छा दिल्या. जिल्हा परिषदेचे मुख्य कार्यकारी अधिकारी डॉ. बी. एन. पाटील, डायट प्राचार्या मंजुषा क्षीरसागर , माध्यमिक शिक्षणाधिकारी बी. जे. पाटील, निरंतर शिक्षणाधिकारी के. ए. पाटील, मधुकर घायदार यांनी विशेष मार्गदर्शन केले. पुस्तकाच्या निर्मितीसाठी राजेंद्र कोळी , सोनाली साळुंखे, रत्नाकर पाटील, विजया पाटील, कल्पना पाटील, संदीप पवार, राहुल चौधरी, सुनील दाभाडे, मनोहर तेजवानी, अरुण पाटील आंदींनी सहकार्य केले.