रावेर: येथील एका सराफाच्या दुकानातून (Goldsmith shop) दोन अज्ञात महिलांनी सुमारे दिड लाख रुपये किमतीचे काळे मणी असलेले साडे अडोतीस ग्रॅम वजनाचे मंगळ सुत्र (Chain) चोरून नेल्याची घटना येथे घडाली. हा प्रकार सीसीटीव्ही फुटेज (CCTV footage) पाहिल्या नंतर उघडकीस आला. या बाबत रावेर पोलीस (Raver police) ठाण्यात दोन अनोळखी महिलां (Female thief) विरुध्द गुन्हा दाखल करण्यात आला आहे.

या बाबतचे वृत्त असे की येथील डॉ. हेडगेवार ( चौराहा ) चौकातील महालक्ष्मी अलंकार ज्वेलर्स या सराफाच्या दुकानात खरेदीच्या बहाणा करून काल (ता.९) रोजी दुपारी पावणे चारच्या सुमारास दोन अनोळखी महिलांनी दुकानातून सुमारे दिड लाख रुपये कीमतीचे साडे अडोतीस ग्रॅम काळे मणी असलेले सोन्याचे मंगळसुत्र चोरून नेले.

सीसी टीव्हीतून सत्य आले समोर..

दुकान बंद करीत असतांना स्टॉक चेक करीत असताना दूकान मालकाला सोन्याचे मंगळसूत्र कमी असल्याचे लक्षात आले. त्याने सीसी टीव्ही फुटेज पाहिले असता दोन महिला ग्राहक बनून आल्या होत्या. त्यांनी दुकान मालक व त्यांचा मुलगा यांचा विश्वास संपादन करून हात चलाखीने त्यांचा विश्वास घात करून सोन्याची पोतचा ट्रे पाहत असतांना त्यातील एक पोत चोरून नेल्याचे दिसून आले.

महिलांविरुद्ध गुन्हा दाखल

याबाबत नरेंद्र भगवान सोनार यांनी रावेर पोलीस ठाण्यात दिलेल्या माहिती वरून रावेर पोलीस ठाण्यात दोन अनोळखी महिलां विरुध्द चोरीचा गुन्हा दाखल करण्यात आला आहे . पुढील तपास तपासी सहायक पोलीस निरिक्षक शितलकुमार नाईक करीत आहेत .