चाळीसगाव (जि. जळगाव) : शहरापासून हाकेच्या अंतरावर राहणाऱ्या एका १७ वर्षीय अल्पवयीन मुलीला फूस लावून पळविल्याची (Abduction) धक्कादायक घटना समोर आली आहे. याप्रकरणी शहर पोलिसात अज्ञातांविरुद्ध गुन्हा (Crime) दाखल करण्यात आला आहे. (minor girl was abducted Jalgaon Crime News)

याबाबत सविस्तर वृत्त, शहरापासून जवळच वास्तव्यास असणाऱ्या दोन सख्या बहिणी ह्या सोमवार, २० रोजी कपडे घेण्यासाठी शहरात आल्या. कपड्यांची खरेदी झाल्यावर लहान बहिणीला एका बस स्थानकावर सोडून मी शाळेत जाऊन येते असे १७ वर्षीय अल्पवयीन मुलगी सांगून गेल्या. मात्र त्यादिवशी ती घरी परतलीच नाही. त्यावर घरचांनी परिसरासह शहरातील दर्गा परिसर, धुळे रोड, भडगाव रोड, हिरापूर रोड व नातेवाईकांकडे आजपावेतो शोधाशोध केली. मात्र सदर मुलगी मिळून आली नाही. म्हणून कोणीतरी अज्ञाताने मुलीच्या आज्ञापनाचा फायदा घेऊन फूस लावून पळवून नेले असावा अशी पीडितेच्या वडिलांना खात्री झाल्यानंतर चाळीसगाव शहर पोलीस स्थानक गाठून अज्ञात इसमाविरुद्ध गुन्हा दाखल केला आहे. पोलीस निरीक्षक के.के.पाटील यांच्या निर्देशानुसार पुढील तपास सपोनि सचिन कापडणीस हे करीत आहे.