जळगाव : शहरातील एका प्रसिद्ध स्त्रीरोगतज्ज्ञ डॉक्टरच्या दवाखान्यात मेडिकल स्टोअरमध्ये कामाला असलेली तरुणी बेपत्ता झाली आहे. स्टेट बँक परिसरात स्त्रीरोगतज्ज्ञ डॉक्टरचा दवाखाना आहे. (Missing young woman from hospital Jalgaon News)

हेही वाचा : नेट बँकिंग खात्यात ठेवा कमी रक्कम...जाणून घ्या कारण

दवाखान्यातच असलेल्या औषध दुकानातील तरुणीला तिच्या आईने शनिवारी (ता. ११) सकाळी दहाला दवाखान्यात सोडले. त्यानंतर त्या तरुणीने दुपारी पोटात दुखत असल्याचे कारण सांगून ती निघून गेली.

जाताना आपली पर्स आणि सामान मेडिकलमध्ये सोडून गेली. सायंकाळी तिची आई तिला घेण्यासाठी आली. मात्र, तुमची मुलगी दुपारीच पोट दुखत असल्याचे कारण सांगून बाहेर गेल्याचे तिच्या आईला सांगण्यात आले.

एकटीच निघून गेलेल्या तरुणीचा पालकांनी सर्वत्र शोध घेतला. मात्र, ती कुठेही मिळून आली नाही. अखेर जिल्हापेठ पोलिस ठाणे गाठून मुलगी बेपत्ता असल्याची तक्रार दिली. पोलिस नाईक फिरोज तडवी तपास करत आहेत.