जळगाव ः जळगाव महापालिकेतील भाजपची सत्ता गेल्याने गिरीश भाऊंना जो झटका बसला त्यामुळे त्यांना 'ईडी' आठवण आता येवू लागली आहे. आणि 'ईडी; लावून छळण्याचा प्रकार कोण करतात, हे सर्व जगाला माहिती आहे, असे राष्ट्रवादीचे नेते एकनाथ खडसेंनी (Eknath Khadse) गिरीश महाजनांनी (Girish Mahajan) केलेल्या आरोपावर सडेतोड प्रत्युत्तर दिले आहे. 

 वाचा-आमदार मंगेश चव्हाणांसह ३१ जण कारागृहात रवाना !
 

भाजपचे माजी मंत्री तथा आमदार गिरीश महाजन यांनी मंगळवारी शासकीय महिला रुग्णालयाच्या पाहणी केली होती. त्यावेळी त्यांनी पत्रकारांशी बोलतांना माजी मंत्री तथा राष्ट्रवादीचे नेते एकनाथ खडसेंवर 'ईडी'ची तारीख आल्यावरच त्यांना कोरोना कसा होतो ? असा आरोप केला होता. या आरोपावर बोलतांना एकनाथ खडसे म्हणाले, की गेले विस दिवसापासून कोरोना झाल्यामुळे मी बाँम्बे हाॅस्पीटमध्ये कोरोनाचा उपचार घेत होतो. मला खुप त्रास झाला आणि मला जाणीव आहे कोरोनामध्ये किती त्रास होतो. त्यामुळे मला काही नौटंकी करण्याची सवय नाही. 

आवर्जून वाचा- गंभीर प्रकार..खासगी लॅबमधील तपासणी केलेल्या ‘त्या’ बाधितांना ना कॉल, ना निरोप

 
सत्ता गेल्याने बसला झटका
महापालिकेत भाजपची सत्ता गेल्याने गिरीश महाजनांना झटका बसला आहे. त्यामुळे त्यांना आता 'ईडी'ची आठवण येवू लागली आहे. 'ईडी' तुम्हीच लावता, दुसरे कोण लावणारे आहे. आणि तुम्हीच 'ईडी' लावून छळ करता हे जगाला माहिती आहे.