जळगाव : अनुकंपाधारक कर्मचाऱ्यांच्या नियुक्तीसाठी वारसदांरानी गुरुवारी (ता. २०) आमदार सुरेश भोळे यांनी घेतलेल्या बैठकीत तीव्र संताप व्यक्त केला.

बैठक सुरू असताना वारसदारांनी आम्हाला सेवेत सामावून घ्यावे, अशी मागणी केली. या वेळी वारसदारांनी प्रशासनाच्या कारभारावर तीव्र संताप व्यक्त केला. शासनाच्या सर्व विभागांत अनुकंपाधारकांची भरती केली जात आहे. (Strong Resentment for Appointment of Compassionate Staff Jalgaon News)

मात्र महापालिकेतच का केली जात नाही, असा प्रश्‍न त्यांनी उपस्थित केला. आमच्या मागण्यांसाठी आमच्यासोबत मुख्यमंत्र्यांची भेट घेण्यासाठी मुबंईला यावे, अशी मागणीही त्यांनी आमदार भोळे यांना केली.

त्या वेळी काही जणांसोबत मंगळवारी (ता. २५) मुंबईत जाऊन मुख्यमंत्र्यांशी चर्चा करण्याची तयारी आमदार भोळे यांनी दाखविली. त्यानंतर हे आंदोलक शांत झाले.