बोदवड (जळगाव) : येथील तिरबरडिया शाळेच्या विद्यार्थ्यांनी मंथन राज्यस्तरीय प्रज्ञाशोध परीक्षेत (Manthan State Level Wisdom Examination) घवघवीत यश मिळविले. तिरबरडिया शाळेच्या दुसरी, तिसरी व चौथीच्या विद्यार्थ्यांनी एप्रिल २०२२ मध्ये झालेल्या या प्रज्ञाशोध परीक्षेत तालुक्यातून प्रथम क्रमांक मिळवला. (Success of Bodwad students Manthan state level pradnyashodh exam Jalgaon news)

दुसरीचा कुश योगेश घाटे याने १५० पैकी ११६ गुण मिळवून तालुकास्तरावर प्रथम तर राज्य गुणवत्ता यादीत १८ वा क्रमांक मिळवला. तिसरीचा स्पंदन जितेंद्र पाटील याने ३०० पैकी २४० गुण मिळवून तालुक्यातून प्रथम तर राज्य गुणवत्ता यादीत २९ वा क्रमांक मिळवला तसेच चौथीचा श्रीरंग सतीश पिहूल याने ३०० गुणांपैकी २५२ गुण मिळवून तालुकास्तरावर प्रथम तर राज्य गुणवत्ता यादीत २४ वा क्रमांक मिळवला. या त्यांच्या यशाबद्दल मंथन जिल्हा समन्वयक संदीप पाटील, शाळेच्या मुख्याध्यापिका रंजना काठोके, शाळेतील सर्व शिक्षक, शिक्षकेतर कर्मचारी यांनी सर्व यशस्वी विद्यार्थ्यांचे अभिनंदन केले.