Jalgaon News : राज्यातील महसूल संवर्गातील २० तहसीलदारांच्या बदलीचे आदेश राज्य शासनाचे सहसचिव डॉ.माधव वीर यांनी बुधवारी काढले असून जिल्ह्यातील चाळीसगाव, पारोळा, अमळनेर व जळगावातील कूळ तहसीलदारांची बदली झाली आहे. (Transfer of 4 Tehsildars in district jalgaon news)

चाळीसगावचे तहसीलदार अमोल मोरे यांची राहता तर त्यांच्या जागी श्रीरामपूरचे तहसीलदार प्रशांत पाटील बदलून येत आहेत. अमळनेरचे तहसीलदार मिलिंदकुमार वाघ यांची अहमदनगर जिल्हाधिकारी कार्यालयात (निवडणूक) तहसीलदारपदी तर त्यांच्या जागी अद्याप कुणाची नियुक्ती झालेली नाही.

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

नंदुरबारचे महसूल तहसीलदार डॉ.उल्हास देवरे यांची पारोळा तहसीलदारपदी तर पारोळाचे तहसीलदार अनिल गवांदे यांची नंदुरबार जि.का.तहसीलदार महसूल तहसीलदारपदी बदली करण्यात आली आहे. जळगावचे कुळकायदा तहसीलदार महेंद्र माळी यांची शिरपूर तहसीलदारपदी तर त्यांच्या जागी नियुक्तीच्या प्रतीक्षेतील उषाराणी देवगुणे यांची नियुक्ती करण्यात आली आहे. शिरपूरचे तहसीलदार आबा महाजन यांची येवला तहसीलदारपदी बदली करण्यात आली आहे.