जळगाव : सरत्या वर्षाचा शेवटच्या दिवसावर कोरोनाचे सावट असले तरी, अनेकांनी घरी राहूनच हा दिवस घरच्यांसोबत साजरा केला. तर काहींनी बाहेर जाण्याचे नियोजन केल्याने सायंकाळी हॉटेल्स, बार तसेच पर्यटनस्क्षळांवर बऱ्यापैकी गर्दी झालेली होती.(welcome to the New Year Goodbye to last year)

यंदा कोरोनाच्या निर्बंधामुळे रात्री नउनंतर जमावबंदी असल्याने अनेकांनी नउच्या आत हॉटेल्समध्ये ३१ डिसेंबर साजरा केला. तर काहींनी घरीच राहत नववर्षाचे स्वागत जल्लोशात केले. संगणकीय युगात सोशल मीडियाचा वापर करत अनेकांनी एकमेकांना जुन्या वर्षाला निरोप देत नववर्षाचे स्वागत करणारे संदेश दिले.(corona restrictions)

अनेकांनी वर्षाअखेरची सायंकाळ विविध हॉटेल्स, ढाबे, रेस्टॉरंटमध्ये जावून विविध पदार्थ खावून साजरी केली. पाणीपुरी, पावभाजी, चायनिज पदार्थ, अंडापावच्या गाड्यांसह इतर खादय पदार्थ्यांच्या गाड्यावर सायंकाळनंतर गर्दी पहावयास मिळाली. अनेकांनी हॉटेल्समधील मनोरंजनात्मक कार्यक्रमांचा आस्वाद घेत पाट्या केल्या. तर मद्यपान व मांसाहार करणाऱ्यांनी हॉटेल्स, बिअरबारमध्ये जावून सरत्या वर्षाला निरोप दिला. सर्वच ठिकाणची मटन मार्केटमध्ये शेकडो कोंबड्या, बकऱ्यांची मांसाहारासाठी कत्तल करण्यात आली. मध्यरात्री बाराला नवीन वर्षाचे जल्लोषात स्वागत करण्यात आले.