पीटर व्हॅन गेट - बेल्जियममधील नोकरी सोडून भारतातच मनसोक्त भ्रमंती
मुंबई - हिंदवी स्वराज्याचे संस्थापक छत्रपती शिवाजी महाराजांचा इतिहास भारतातच नाही, तर संपूर्ण जगात प्रसिद्ध आहे. महाराजांच्या विचाराने भारावून गेलेल्यांची संख्याही जगभरात आहे. असाच एक बेल्जियममधील तरुण छत्रपती शिवाजी महाराजांच्या विचारांची प्रेरणा घेऊन भारतीय संस्कृतीच्या प्रेमात पडला आहे. पीटर व्हॅन गेट असे या तरुणाचे नाव असून तो युरोपियन आहे. छत्रपती शिवाजी महाराजांच्या कारभाराने तो प्रेरित झाल्याने महाराजांचे गड-किल्ले चढण्याची जणू त्याने शपथच घेतली आहे. त्याने दोन महिन्यांत आतापर्यंत तब्बल २०० शिवकालीन किल्ले आणि लेणी सर केली आहेत.
पीटर हा बेल्जियममध्ये असलेल्या सिस्को कंपनीत संगणकतज्ज्ञ पदावर काम करतो. काही कामानिमित्त कंपनीने त्याला भारतात पाठवले होते; मात्र भारतात आल्यानंतर तो जणूकाही इथलाच होऊन गेला.
बेल्जियममधून भारतात आल्यानंतर तो इथल्या निसर्गसौंदर्य आणि भारतातील सर्वसामान्यांचे जगणे बघून इतका भारावला, की बेल्जियममधील नोकरी सोडून भारतातच मनसोक्त भ्रमंती करू लागला आहे. भ्रमंतीदरम्यान त्याने छत्रपती शिवाजी महाराजांचे चरित्रदेखील वाचले असून त्यातून तो अत्यंत प्रेरित झाला आहे.
आयुष्यातील सर्व ओझी उतरवून या अवलियाने आकाश पांघरले आहे. सह्याद्रीच्या कडे-कपाऱ्यांना त्याने आपले घर बनवले आहे. सह्याद्रीच्या धरणांमध्ये, नद्यांमध्ये, तलावांचे पाणी पीत सह्याद्रीच्या कडे-कपाऱ्यांवर, बुरुजांवर, गडांवर राहणाऱ्या आदिवासींच्या घरांत जेवण केले आहे.
विशेष म्हणजे त्याने कधी हॉटेल बुक केलेले नाही. पिझ्झा, बर्गरसारखे खाद्य सोडून महाराष्ट्रातल्या पिठलं-भाकरीच्या प्रेमातच जणू तो पडला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.