केळघर (जि. सातारा)  : आदिवासी कातकरी कुटुंबातील कर्त्या व कमावत्या व्यक्तीचा अपघाती मृत्यू झाल्याने म्हाते बुद्रुक येथील कुटुंबाला आधार देण्यासाठी ग्रामस्थांनी एकत्रित येऊन 50 हजार रुपये निधी जमवला. हा निधी या कुटुंबीयांकडे सुपूर्त करण्यात आला. 

काही दिवसांपूर्वी म्हाते बुद्रुक येथील आदिवासी कातकरी कुटुंबातील संजय पवार हे झाडावरून पडून जखमी झाले होते. मज्जारज्जूला मार लागल्याने त्यांच्यावर पुण्यात उपचार सुरू होते. त्यावेळीही ग्रामस्थांनी त्यांना आर्थिक मदत केली होती. उपचारादरम्यान त्यांचा मृत्यू झाला. घरातील कर्त्या पुरुषाचा मृत्यू झाल्याने पवार कुटुंबाला आधार देण्यासाठी ग्रामस्थ पुढे आले. सोशल मीडियावर मदतीचे आवाहन करण्यात आले. ग्रामस्थ, तालुक्‍यातील दानशूर व्यक्तींनी 50 हजार रुपये निधी उभा करून संजय पवार यांच्या कुटुंबीयांकडे सुपूर्द केला. पवार यांच्या कुटुंबीयांकडे निधी देताना मेढा सोसायटीचे संचालक राजाराम गोगावले, उपसरपंच अशोक सपकाळ, शांताराम सपकाळ गुरुजी व ग्रामस्थ उपस्थित होते.
 
आदिवासी कातकरी कुटुंबातील कर्त्या व कमावत्या व्यक्तीच्या अकाली मृत्यूनंतर या कुटुंबाची वाताहत होऊ नये म्हणून म्हाते बुद्रुक ग्रामस्थांनी स्वयंस्फूर्तीने निधी जमा करून या कुटुंबाला आधार देण्याचे काम केले आहे. भविष्यातही या कुटुंबाला मदत करून गावकरी या कुटुंबाचे दुःख हलके करण्यासाठी प्रयत्न करतील, असे सामाजिक कार्यकर्ते विनोद शिंगटे यांनी सांगितले.

पुणे-मिरज-लोंढा रेल्वे कामात अधिकाऱ्यांचा मुजोरपणा; साताऱ्यासह कोरेगावातील शेतकऱ्यांची तक्रार

खटाव-माण तालुक्यातील 68 ग्रामपंचायती राष्ट्रवादीच्या ताब्यात; प्रभाकर देशमुख, घार्गेंची माहिती

मराठा आरक्षण द्या, अन्यथा आम्हाला विष पिऊन मरू द्या; खासदार उदयनराजेंचा सरकारला गर्भित इशारा

सैदापूर-गोवारेतील कृष्णा कालवा फुटण्याचा धोका?; बळीराजाचे राज्यमंत्री बच्चू कडूंना साकडे

कऱ्हाडात गुंडांच्या टोळ्यांवर फास आवळण्यास सुरवात; पोलिसांची 800 जणांवर धडक कारवाई

Edited By : Siddharth Latkar