पुणे - जिल्हा परिषदेच्या वर्ग एक आणि दोनच्या सर्व अधिकाऱ्यांनी स्वत:च्या खिशातून दहा लाख रुपयांची वर्गणी गोळा केली आहे. या वर्गणीतून जिल्ह्यातील आश्रमशाळांमधील विद्यार्थी आणि वृद्धाश्रमातील ज्येष्ठांना दिवाळी फराळाचे वाटप मंगळवारपासून मावळ पंचायत समितीतून (ता. 22) सुरू केले आहे. जिल्हा परिषदेचे मुख्य कार्यकारी अधिकारी उदय जाधव, पंचायत समितीच्या अधिकाऱ्यांनीही वर्गणीसाठी खारीचा वाटा उचलला आहे.
पुणे जिल्हा परिषदेत असा पहिलाच प्रयोग आहे. विधानसभा निवडणुकीच्या आचारसंहितेमुळे उपक्रमाची व्याप्ती वाढवता आली नाही. त्यामुळे यंदा मावळ, आंबेगाव, जुन्नर आणि खेड या आदिवासी भागातील आश्रमशाळा, वृद्धाश्रमापुरताच उपक्रम मर्यादित आहे, असे उदय जाधव यांनी सांगितले.
अधिकाऱ्यांचा हा उपक्रम स्तुत्य आहे. दिवाळी फराळवाटपामुळे विद्यार्थ्यांच्या चेहऱ्यावर फुलणारा आनंद पाहून हा उपक्रम सार्थकी लागल्याचे स्पष्ट झाले. भविष्यात उपक्रमाची व्याप्ती वाढविण्याचा मानस आहे.
- उदय जाधव, मुख्य कार्यकारी अधिकारी, जिल्हा परिषद, पुणे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.