रत्नागिरी: संकटात नेहमीच मदतीला धावून येणारे कर्तव्यदक्ष मंत्री उदय सामंत यांच्या मार्गदर्शनाखाली गजानन पाटील आणि अमित गनवटकर यांनी रात्रभर परिश्रम घेवून 22 जणांची रेस्क्यू टीम चिपळूणला रवाना केली आहे. यामध्ये सर्व साहित्य गणपतीपुळे ग्रामपंचायतीने दिले. यासाठी गणपतीपुळे-मालगुंडच्या सरपंच कल्पना पकये यांचे मोलाचे सहकार्य लाभले.

मालगुंड परिसरातील जीव रक्षक, सर्पमित्र, साहसी युवकांचा रेस्क्यू टीम मध्ये समावेश आहे. यामध्ये राज देवरुखकर (गणपतीपुळे), सुरज पवार, योगेश पालकर, मयुरेश देवरुखकर, अक्षय माने, रोहित चव्हाण, आशिष माने, सिद्धेश माने, ओंकार गावणकर, अनिकेत चव्हाण, चेतन बोेरकर (मालगुंड), नितेश मयेकर, सुरज सुर्वे, निनाद सुर्वे, सचिन सुर्वे, विशाल साखळकर, हर्षवर्धन साळवी, अनिकेत लोगडे भगवतीनगर, अनिकेत राजवाडकर, विक्रम राजवाडकर, संकेत भुवड जयगड यांचा समावेश आहे. तसेच गणपतीपुळे जिवरक्षक टिममध्ये 21 जणांचा समावेश आहे.

बोट जेट स्की चालवणारे 5 जण, सर्पमित्र 2, लाईफगार्ड 8 जणांचा समावेश आहे. यामध्ये साप पकडायची टॉंग 1, बोया रिंग 3, जॅकेट 20, रश्शी 1, स्ट्रेचर 1 सामानाचा समावेश आहे. या सर्वाची माहिती उपविभागीय अधिकारी श्री विकास सूर्यवंशी यांना देऊन ही रेस्क्यू टीम चिपळूणला रवाना करण्यात आली आहे.