रसायनी (रायगड) वासांबे मोहोपाडा ग्रामपंचायतीच्या हद्दितील  द्रुतगती महामार्गावरील रीस येथे दांड पेण रस्त्यावर पुलावर असलेल्या दुभाजकावर वाहन आदळुन अपघात वाढले आहे. आठ दिवसात दोन कार दुभाजकावर आदळुन अपघात झाले आहे. यात वाहनाचे मोठे नुकसान झाले आहे. 

रसायनीतील या मुख्य रस्त्यावरून पाताळगंगा अतिरिक्त पाताळगंगा औद्योगिक क्षेत्रातील, क्षेत्रा बाहेरील कारखाने तसेच रसायनी पाताळगंगा परीसरातील गावांतील वाहनांची कर्जत, पनवेल, नवीमुंबईकडे वर्दळ सुरू असते. जाताना हा दुभाजक वाहनांना धोकादायक ठरला आहे. रात्रीच्या वेळेस येथे अंधारामुळे दुभाजक दिसत नाही. त्यामुळे वाहन आदळुन अपघात होतात. यात वाहनांचे मोठे नुकसान होत आहे असे सांगण्यात आले. 

दरम्यान अपघातांना आळा घालण्यासाठी दुभाजकाच्या दोन्ही बाजुला रोटरी क्लब आँफ पाताळगंगाने  धोकादायक सुची लावल्या होत्या. साधारण तीन महिन्यापुर्वी धोकादायक सुची गायब झाल्या असल्याने पुन्हा अपघात वाढले आहे. तसेच या ठिकाणी यापुर्वी सुध्दा अपघात झाले आहे.  म्हणुन  सार्वजनिक बांधकाम विभागाने अपघात टाळण्यासाठी चांगली उपाययोजना  करावी आशी मागणी वाहन चालकांनी केली आहे.