SC Reservation Subclassification : अनुसूचित जाती आरक्षण उपवर्गीकरणाबाबत एक लाखांहून अधिक हरकती, सरकार घाईगडबडीत निर्णय घेणार नाही; मंत्री शिरसाट यांची ग्वाही

मुंबई : अनुसूचित जातींच्या आरक्षणातील उपवर्गीकरणासंदर्भात (SC Reservation Subclassification) राज्य शासनाकडे आतापर्यंत एक लाखांहून अधिक हरकती आणि निवेदने प्राप्त झाली असून, सर्व हरकतींवर सुनावणी झाल्यानंतरच अंतिम निर्णय घेतला जाईल, अशी माहिती सामाजिक न्याय मंत्री संजय शिरसाट यांनी दिली. तसेच उपवर्गीकरणाच्या प्रक्रियेत कोणत्याही समाजघटकावर अन्याय होणार नाही, अशी स्पष्ट ग्वाहीही त्यांनी दिली.