चिपळूण ( रत्नागिरी ) - अतिरिक्त लोटे एमआयडीसीमध्ये यापुढे रासायनिक कारखाने येणार नाहीत, अशी हमी एमआयडीसीकडून देण्यात आली आहे. मात्र यापूर्वी रासायनिक कारखान्यांसाठी दिलेले भूखंड काढून घेतल्याबाबत स्पष्टता नाही. अतिरिक्त लोटेमध्ये आम्हाला एकही रासायनिक कारखाना नको, अशी आमची मागणी आहे. त्याचा विचार न झाल्यास जानेवारी 2020 पासून उपोषण करण्याचा इशारा दक्षता समितीने एमआयडीसीच्या प्रादेशिक अधिकाऱ्यांना निवेदनाद्वारे दिला आहे.
याबाबत माहिती देताना दक्षता समितीचे अध्यक्ष गंगाराम इप्ते म्हणाले, अतिरिक्त लोटे विस्तार क्षेत्रासाठी 30 वर्ष भूसंपादन प्रक्रिया सुरू आहे. येथे चांगले आणि प्रदुषणविरहित उद्योग आले तर स्थानिकांच्या नोकरीचा प्रश्‍न सुटेल यासाठी आम्ही 5 वर्ष एमआयडीसीला सहकार्य करत आहोत. पायाभूत सुविधा निर्माण करण्यासाठी सहकार्य करत आहोत. चार रासायनिक व दोन रंगनिर्मितीचे उद्योग प्रथम रद्द व्हावेत व अशा स्वरूपाच्या कोणत्याही रासायनिक अथवा प्रदूषणकारी उद्योगास नव्याने परवानगी देण्यात येऊ नये, अशी आमची मागणी आहे. त्या मागणीला प्रतिसाद म्हणून यापूढे रासायनिक उद्योगांना भूखंड वाटप करण्यात येणार नाही. प्रदूषणमुक्त कारखान्यांना परवानगी दिली जाईल, असे एमआयडीसीने म्हटले आहे. सहा कारखाने या क्षेत्रात उभारण्याची परवानगी एमआयडीसीने नाकारली आहे असे कोठेही म्हटलेले नाही. यामुळे जनतेच्या मनात संभ्रम आहे. त्यामुळे ते सहा कारखाने अतिरिक्त लोटे एमआयडीसीत येणार नाही याबाबतचे लेखी पत्र आम्हाला द्यावे अन्यथा आम्ही जानेवारीपासून उपोषणाला बसू. त्यानंतर होणाऱ्या हानीला एमआयडीसी जबाबदार राहील.
त्या सहा कारखान्यांची परवानगी रद्द करावी
अतिरिक्त लोटे एमआयडीसीमध्ये 4 रासायनिक कारखाने व 2 रंग निर्मितीचे कारखाने उभारणीसाठी भूखंड देण्यात आले होते. त्यांच्याकडून भूखंड काढून घेतल्याबाबत कुठेही स्पष्टता नाही. यापुढे रासायनिक कारखान्यांना परवानगी दिली जाणार नाही असे एमआयडीसीच्या पत्रात नमदू केलेले आहे. त्यामुळेच आमच्या मनात शंका निर्माण झाली आहे. एमआयडीसीने त्या सहा कारखान्यांची परवानगी प्रथम रद्द करावी.
- हुसैन ठाकूर, कार्याध्यक्ष, दक्षता समिती
आमच्या जीवशी खेळ
आम्ही अडचणीच्यावेळी एमआयडीसीला सहकार्य केले. मात्र एमआयडीसी रासायनिक कारखाने आणून आमच्या जीवाशी खेळत आहे. आमचा अवमान करीत आहे.
- अनंत नायनाक, सरपंच, असगिणी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.