सावंतवाडी : शिवशाहीला पुणे-कीणी नाका येथे झालेल्या अपघातानंतर येथील आगाराचा मृत वाहक सागर परब यांच्या अंगावरचे दागिने व मोबाईल चोरीला गेल्याचा दुर्दैवी प्रकार आज उघड झाला. 

अपघाता दरम्यान एसटीच्या कर्मचाऱ्यांनी कॅशसह आपले साहित्य ताब्यात घेतले परंतु आमच्या व्यक्तीची जबाबदारी घेतली नाही असा आरोप करत परब यांचे भाऊजी तथा मालवणचे स्वाभिमान पक्षाचे नगरसेवक यतीन खोत यांनी आज येथे अधिकाऱ्यांकडे केला.

एसटीच्या अधिकाऱ्यांना आज सर्वपक्षीय लोकांकडून तसेच नातेवाईकांच्या वतीने आज सायंकाळी पुन्हा घेराव घालण्यात आला त्यावेळी ते बोलत होते.
त्यावेळी सर्व पक्ष लोकांकडून एसटीचे अधिकारी प्रकाश रसाळ यांना घेराव घालण्यात आला. जोपर्यंत प्रशिक्षित चालक दिला जात नाही तोपर्यंत शिवशाही सोडू देणार नाही अशी भूमिका घेऊन उपस्थित पदाधिकारी यांच्यासह सय्यद यांना धारेवर धरले यावेळी पोलिसांनी मध्यस्थी करण्याचा प्रयत्न केला, परंतु पोलिस आंदोलन दडपून टाकत आहे अशी भूमिका उपस्थित कार्यकर्त्यांनी यावेळी पोलिस प्रशासनाचा निषेध करत पदाधिकारी बाहेर पडले.