महाड : महाड औद्योगिक क्षेत्रातील त्र्यैंबक कारखान्यासमोर उभ्या असलेल्या दुचाकीला मागून आलेल्या हायड्राची धडक बसल्याने झालेल्या अपघातात दुचाकीवर मागे बसलेल्या एका कामगार जागीच ठार झाला. ही घटना आज दुपारी एकच्या सुमारास घडली.

गणेश समशेरसिंग सोनार (वय 34 रा.लक्ष्मी नगर बिरवाडी.मूळ रा. झारखंड ) असे या अपघातात ठार झालेल्या कामगाराचे नाव   आहे. केतन गायकवाड यांच्या दुचाकीवरून गणेश हा मागे बसला होता. गायकवाड हे रस्त्याच्या कडेला दुचाकीवर मोबाईलवर बोलत असताना मागून आलेल्या हायड्राची दुचाकीला धडक बसली. यात गणेश जागीच ठार झाला. हायड्राच्या चालकावर महाड औद्योगिक क्षेत्र पोलिस ठाण्यात या अपघातप्रकरणी गुन्हा दाखल करण्यात आला आहे.