चिपळूण (रत्नागिरी) : कोरोनाच्या पार्श्वभूमीवर लॉकडाऊन असताना गोवळकोटखाडीत बेकायदा वाळू उपसाचा प्रकार उघडकीस आला आहे. या कारवाईत सुमारे दोन- दोन ब्रास असलेल्या बेवारस ९ बोटींना जलसमाधी देण्यात आली आहे. ही बेधडक कारवाई प्रांताधिकारी प्रवीण पवार व तहसीलदार जयराज सुर्यवंशी यांच्या मार्गदर्शनाखाली नायब तहसीलदार तानाजी शेजाळ यांच्या पथकाने केली. यामुळे वाळू व्यवसायिकांमध्ये खळबळ उडाली आहे.
कोरोनाचा प्रादुर्भाव रोखण्यासाठी शासनाने ३ मेपर्यंत लॉकडाऊन केले आहे. या कालावधीत जीवनावश्यक वस्तूंच्या वाहतूक व विक्रीसाठी मुभा देण्यात आली आहे. यामुळे या व्यतिरिक्त वाहतूक अथवा बेकायदा धंद्यांवर प्रशासनाची करडी नजर आहे. तरीही गोवळकोट खाडीत बेकायदा वाळू उपसा होत असल्याची ओरड सुरू होती. याची दखल घेऊन प्रांताधिकारी प्रवीण पवार व तहसीलदार जयराज सुर्यवंशी यांच्या मार्गदर्शनाखाली नायब तहसीलदार तानाजी शेजाळ, चिपळूण मंडल अधिकारी यु. आर. गिज्जेवार, आर. पी. मोहिते, जे. पी. क्षीरसागर असे अधिकारी वर्ग गुरुवारी संध्याकाळी ५.३० वाजण्याच्या सुमारास गोवळकोट, कालुस्ते आदी ठिकाणी गोवळकोट, कालुस्ते खाडीकिनारी गस्त घालत होते.
बोटी उभ्या करून त्यांनी धूम ठोकली
यावेळी गोवळकोट खाडीत बेकायदा वाळू उपसा होत असल्याचे निदर्शनास आले. यामुळे महसूल विभागाच्या पथकाने दुसऱ्या बोटीने वाळू उपसा होत असल्याच्या ठिकाणी जाण्यास सुरुवात केली. अधिकारी वर्ग आपल्या बोटींच्या दिशेने येत असल्याचे पाहताच बोटींवरील लोकांनी बोटींसह किनाऱ्याच्या दिशेने पलायन केले आणि किनारीच बोटी उभ्या करून धूम ठोकली. महसूल विभागाचे अधिकारीदेखील या बोटींच्या ठिकाणी तात्काळ पोहोचले. यानंतर या बोटींची पाहणी केली असता ९ बोटींमध्ये प्रत्येकी सुमारे २ ब्रास वाळू होती. याची माहिती प्रांताधिकारी प्रवीण पवार व तहसीलदार जयराज सूर्यवंशी यांना देण्यात आली.
वाळूसह बोटी खाडीत बुडविल्या
या दोन्ही अधिकाऱ्यांनी घटनास्थळी धाव घेत पाहणी केली. नंतर अधिकाऱ्यांना योग्य त्या सूचना देत कार्यवाही करण्यास सांगितले. यामध्ये या बोटी बेवारस असल्याचे निदर्शनास आले. यामुळे या प्रकरणी कोणावर दंडाची कारवाई अथवा कोणावर गुन्हा दाखल करायचा हा प्रशासनासमोर प्रश्न पडला. तरीही या बेकायदा वाळू उपसा ला चाप बसावा, या करिता महसूल विभागाच्या पथकाने वाळूसह बोटी खाडीत बुडविण्यात आल्या. ही कारवाई तब्बल सुमारे ७ तास सुरू होती. महसूल विभागाच्या या कामगिरीबद्दल कौतुक होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.