रसायनी : जांभिवली गावाच्या हद्दीत घेरा माणिक गडाच्या पायथ्याशी असलेल्या बामणोली धरणातून जांभिवली परिसरातील शेतक-यांना रब्बीच्या हंगामातील पिकांना सोमवारी (ता. 18) पाणी सोडण्यात येणार आहे, असे सांगण्यात आले.  जांभिवली येथील धरणाच्या पाण्यावर जांभिवली आणि बाजूच्या गावांतील शेतकरी रब्बीच्या हंगामात भात आणि इतर भाजीपाल्याचे पिक घेत आहेत. या सिंचन साधनाचा शेतक-यांना मागील चौतीस वर्षांपासून मोठा आधार झाला आहे. त्यामुळे जांभिवली परिसरात हरितक्रांती झाली आहे. 

दरम्यान रब्बीच्या हंगामातील पिकासाठी 18 तारखेनंतर पाणी सोडण्यात येणार आहे. पाण्याचा तुटवडा भासू नये यासाठी शेतक-यांनी कमी पाणी लागणारे पीक आणि शेतातील कामे वेळेत उरकुन घ्यावेत असे पाटबंधारे खात्याच्या सुत्रांकडून सांगण्यात आहे.