सिंधुदुर्ग -  ऑगस्ट २०१८ मध्ये काश्मीरच्या गुरेझ भागात दहशतवाद्यांशी लढताना हुतात्मा झालेले मेजर कौस्तुभ राणे यांच्या पत्नी कनिका या 'लेफ्टनंट' झाल्या आहेत. नऊ महिन्यांच्या खरतर प्रशिक्षणानंतर त्यांनी लेफ्टनंट पदाचे दोन 'स्टार्स' खांद्यावर चढवले आहे. 

ऑगस्ट २०१८ मध्ये जम्मू-काश्मीरमधील बंदिपोरा जिल्ह्यातील गुरेझ सेक्टरमध्ये प्रत्यक्ष ताबा रेषेवर झालेल्या चकमकीत मेजर कौस्तुभ राणे यांना वीरमरण आले होते. त्यांच्या पश्चात पत्नी कनिका यांनीदेखील लष्करी सेवेत जाण्याचा निर्धार केला होता. केवळ निर्धार करून त्या थांबल्या नाहीत तर, त्यांनी सर्व्हिस सिलेक्शन बोर्डाची परीक्षा दिली. या परीक्षेत त्या मेरीटने पास झाल्या. त्यानंतर त्यांनी चेन्नईच्या अधिकारी प्रशिक्षण अकादमीत (ओटीए) नऊ महिन्यांचे खडतर प्रशिक्षण पूर्ण केले. या प्रशिक्षणानंतर शनिवारी त्या प्रत्यक्षात नेप्टनंट पदाचे दोन स्टार्स चढवले. 

हे पण वाचा - काँग्रेसच्या ज्येष्ठ नेत्याच्या मुलाचा भाजपमध्ये प्रवेश

मेजर कौस्तुभ राणे शहीद झाल्यानंतर त्यांच्या पश्चात कनिका आणि त्यांचा तीन वर्षांचा मुलगा आहे. दुःखाला कवटाळून न बसता कनिका यांनी मोठ्या जिद्दीने लष्करी सेवेतच जाण्याचा निर्णय घेतला आणि शनिवारी त्यांचे हे स्वप्न पूर्ण झाले. राणे हे सिंधुदुर्ग मधील मीरा रोडचे रहिवासी होते. त्यांनी दोन दहशतवाद्यांना यमसदनी धाडले होते. परंतु, या चकमकीत त्यांच्यासह अजून दोन जवानांना वीरणरण आले होते. 

हे पण वाचा - अमित शहांच्या फोन नंतर चंद्रकांत पाटील म्हणाले गूड न्यूज; राजकीय क्षेत्रात चर्चांना उधाण

संपादन - धनाजी सुर्वे