चिपळूण : शहरातील पालिकेच्या इंदिरा गांधी सांस्कृतिक केंद्राच्या स्वच्छतेची व पुरामुळे झालेल्या नुकसानीच्या पंचनाम्याची प्रक्रिया अखेर सुरू झाली आहे. पालिका आणि ठेकेदारी कामगारांमार्फत या नाट्यगृहाच्या स्वच्छतेचे काम सुरू झाले. मात्र, महापुरानंतर तीन महिन्यांनी स्वच्छता मोहीम सुरू केल्याने येथील नागरिकांमधून संताप व्यक्त केला जात आहे.
इंदिरा गांधी सांस्कृतिक केंद्रावर कोट्यवधी रुपये खर्च झाले असून, या मालमत्तेची महापुरात हानी झालेली असतानाही नुकसानीचा पंचनामा केला नव्हता. इमारतीची कोणत्याही स्वरूपात स्वच्छता करण्यात आली नव्हती. यामुळे सामाजिक कार्यकर्ते व माजी नगरसेवक इनयात मुकादम यांनी उपोषणाचा इशारा दिला होता. त्यांच्या या उपोषणाला काँग्रेसचे गटनेते सुधीर शिंदे व राष्ट्रवादी काँग्रेसचे गटनेते बिलाल पालकर यांनीही पाठिंबा दर्शविला होता.
मुळात ठेकेदाराने सांस्कृतिक केंद्र पालिकेच्या ताब्यात न दिल्याने महापुरानंतरही हे नाट्यगृह बंद होते; मात्र आता संबंधित ठेकेदाराने पालिकेशी संपर्क साधून नुकसानीच्या पंचनाम्यासाठी व स्वच्छता मोहिमेसाठी सहकार्य करण्याची भूमिका घेतली आहे. त्यानुसार या कामाला सुरवात केली आहे.
केंद्राचे ९० टक्के काम पूर्ण
इंदिरा गांधी सांस्कृतिक केंद्राचे ९० टक्के काम पूर्ण झाले आहे; मात्र या केंद्रात दहा ते बारा फुटापर्यंत पाणी शिरल्याने रंगमंचासह बैठक व्यवस्था, वातानुकूलित यंत्रणा, साऊंड सिस्टिम व फर्निचरचे मोठे नुकसान झाले आहे. साफसफाईच्या कामासोबतच पंचनाम्याची प्रक्रियाही पूर्ण केली जात आहे.
पालिका व ठेकेदारांची मोहीम
पालिकेचे सफाई कामगार व काही ठेकेदारी कामगारमार्फत हे काम केले जात आहे. महापूर आल्यानंतर तातडीने साफसफाईसाठी मागणी केली जात होती; मात्र ठेकेदाराने त्याकडे दुर्लक्ष केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.