महाड : रायगड किल्ल्यावर छत्रपती शिवाजी महाराजांच्या समाधीस्थळी पिंडदान होत असल्याचा व्हिडीओ सोशल मीडियावर व्हायरल झाला. हा प्रकार या वेळी उपस्थित असलेल्या संभाजी ब्रिगेडच्या कार्यकर्त्यांनी रोखला. या प्रकाराबाबत शिवप्रेमी व संघटनांनी तीव्र निषेध व्यक्त केला असून अशा प्रकारच्या विधींना अटकाव केला जावा, अशी मागणी संभाजीराजे यांनी मुख्यमंत्री एकनाथ शिंदे यांना एका पत्रान्वये केली आहे.
शिवसमाधी स्थळी पिंडदान केले जात असल्याचा व्हिडीओ व्हायरल झाल्याने रायगडची सुरक्षाही धोक्यात आली आहे. गडावर सातत्याने होत असणाऱ्या विविध प्रकारच्या विधींमुळे शिवप्रेमी संतापले आहेत.
रायगडावर श्राद्ध अथवा पिंडदान करणे ही संकल्पना व पद्धत चुकीची आहे. रायगडावर छत्रपती शिवरायांच्या पुतळ्याला हार घालायचा असेल तरीही पुरातत्त्व विभागाची परवानगी लागते, मग एवढा मोठा प्रकार होईपर्यंत यंत्रणा काय करत होती. अशा प्रकारचे कृत्य करणाऱ्यांवर कडक कारवाई केली जावी.
- सुरेश पवार, अध्यक्ष, कोकणकडा मित्रमंडळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.