कणकवली - राष्ट्रीय महामार्ग उपकार्यकारी अभियंत्यांवर चिखलफेक प्रकरणी आमदार नीतेश राणेंसह 19 जणांना आज कणकवली न्यायालयाने 23 जुलैपर्यंत न्यायालयीन कोठडी सुनावली.  दरम्यान या आंदोलनात सहभागी असलेल्या आणखी 11 संशयितांची नावे पोलिसांनी निश्‍चित केली असून त्यांची धरपकड होण्याची शक्‍यता आहे. 

चिखलफेक आंदोलनात सहभागी असलेल्या आणखी 11 संशयितांची नावे पोलिसांनी निश्‍चित केली. त्यांना ताब्यात घेण्याची कारवाई पोलिसांनी सुरू केली आहे. या संशयितांमध्ये राकेश प्रल्हाद परब (रा. चुनवरे, ता. मालवण), जावेद रशीद शेख (रा. पटकीदेवी कणकवली), अजय अनंत गांगण (रा. कणकवली), सुशील शांताराम पारकर (रा. कणकवली), उपेंद्र विलास पाटकर (रा. कणकवली), सिध्देश प्रकाश वालावलकर (रा. कणकवली), समिर विलास प्रभूगांवकर (रा. वागदे), औदुंबर चंद्रकांत राणे (रा. कणकवली), लवू रामचंद्र परब (रा. हळवल), शामसुंदर नारायण दळवी (रा. कळसुली), संजीवनी सुरेश पवार (रा. कणकवली) यांचा समावेश आहे.