Rain News : सिंधुदुर्ग जिल्हात गेल्या काही दिवसांपासून सुरू असलेल्या मुसळधार पावसामुळे पूरस्थिती निर्माण झाली आहे. यामुळे भातपिकाला मोठा फटका बसण्याची शक्यता निर्माण झाली आहे.

भातरोप पुनर्लागवड केलेल्या क्षेत्रापैकी २० हजार हेक्टर क्षेत्रावरील पीक पुराच्या पाण्याखाली असल्यामुळे पिके कुजण्याची शक्यता निर्माण झाली आहे. आज सकाळपासून पावसाचा जोर कमी झाला असून अधूनमधून पावसाच्या सरी कोसळत आहेत.

या वर्षी मॉन्सूनचे आगमन विलंबाने झाले. परिणामी, भात पेरणीदेखील लांबल्याने भात लागवडीयोग्य रोप होण्यास जुलै महीना उजाडला. जूनमध्ये अपेक्षित पाऊस न झाल्याने शेतीची कामे खोळंबली होती. परंतु, जुलैत या पावसाने बऱ्यापैकी सुरुवात केली.मात्र आता पिकांचे नुकसान होत आहे.

धामापूर : गेले काही दिवस मुसळधार कोसळणाऱ्या पावसाने धामापूर, काळसे गावातील कर्ली नदी किना असलेल्या भातशेतीत अशाप्रकारे पाणी घुसलेले आहे