आंबेडकरवाडीत तरुणाचा आकस्मिक मृत्यू
रत्नागिरी ः शहरातील आंबेडकरवाडी येथील तरुणाला अशक्तपणा जाणवू लागल्याने उपचारासाठी जिल्हा शासकीय रुग्णालयात दाखल केले होते. उपचार दरम्यान त्याचा मृत्यू झाला. शहर पोलिस ठाण्यात आकस्मिक मृत्यूची नोंद करण्यात आली आहे. महेश ऊर्फ मुकेश प्रभाकर कांबळे (वय ३५) असे मृत तरुणाचे नाव आहे. ही घटना सोमवारी सकाळी पावणे सातच्या सुमारास घडली. पोलिसांकडून मिळालेल्या माहितीनुसार, १९ मार्चला महेश कांबळे यांना अशक्तपणामुळे जिल्हा रुग्णालयात दाखल केले होते. त्याच्यावर उपचार सुरू असताना सोमवारी सकाळी वैद्यकीय अधिकारी डॉ. नितीन गोयंका यांनी मयत घोषित केले. शहर पोलिस ठाण्यात आकस्मिक मृत्यूची नोंद करण्यात आली आहे.