१२ (पान २ साठी)

-rat२२p९.jpg ः
९७७६०
राजापूर ः नव्या वास्तूच्या भूमिपूजन सोहळ्यावेळी धार्मिक विधी करताना व्यापारी संघाचे अध्यक्ष संदीप मालपेकर.
---

राजापूर शिक्षण मंडळाच्या इंग्रजी शाळेचे भूमिपूजन

राजापूर, ता. २२ ः राजापूर शिक्षण प्रसारक मंडळाच्या शाळेमध्ये शिकणे, हे भाग्यकारक असून माझी दोन्ही मुले राजापूर शिक्षण प्रसारक मंडळाच्या शाळेमध्ये शिकून मोठी झाली आहेत. आंबेवाडीसारख्या निसर्गरम्य परिसरात संस्थेच्या इंग्रजी माध्यम शाळेची नवीन वास्तू उभी करण्यात येत असून नवी वास्तू दिमाखात उभी राहण्यासाठी आपण सर्वांनी मिळून प्रयत्न करूया, असे प्रतिपादन अ‍ॅड. प्रकाश रानडे यांनी केले. या वेळी इंग्रजी माध्यमाच्या शाळेच्या नव्या वास्तूच्या उभारणीचे मान्यवरांच्या हस्ते भूमिपूजन करण्यात आले.
या सोहळ्याला राजापूर शिक्षण प्रसारक मंडळ संस्थेचे कार्यवाह प्रकाश भावे, कार्यकारी मंडळाच्या अध्यक्षा डॉ. छाया जोशी, संस्था विश्वस्त डॉ. बी. डी. पाध्ये, माजी विश्वस्त दिलीपशेठ पाटणकर, प्रमोद अभ्यंकर, मानसी हजेरी, संस्थेचे पदाधिकारी जगदीश पवार, अभय मेळेकर आदी मान्यवर उपस्थित होते.
या वेळी भावे म्हणाले, सुमारे १६ महिन्यांपूर्वी मुख्य इमारत जतन संवर्धन काम सुरू करताना संस्थाध्यक्ष सुभाष कुलकर्णी आणि आम्ही थोडे साशंक होतो; पण राजापूर हायस्कूलच्या माजी विद्यार्थ्यांनी भरघोस देणगी दिल्याने आम्ही संपूर्ण इमारतीचे जतन संवर्धनाचे काम एका वर्षात पूर्ण केले.