04673
मालवण ः बुधवळे सरपंच संतोष पानवलकर यांनी बुधवारी रात्री भाजप पदाधिकाऱ्यांची भेट घेतली.

आता मात्र मी भाजपमध्येच

बुधवळे सरपंचांचे स्पष्टीकरण; दोन्ही पक्षांतर्फे दावे-प्रतिदावे

सकाळ वृत्तसेवा
मालवण, ता. २४ : बुधवळे सरपंच संतोष पानवलकर यांनी सोमवारी रात्री माजी खासदार नीलेश राणे यांच्या उपस्थितीत भाजप पक्षात प्रवेश केला; मात्र बुधवारी (ता.२३) सकाळी आपल्याला फसवून आमदार नाईक यांच्याकडे नेण्यात आले आणि पुन्हा शिवसेना ठाकरे गटात प्रवेश केला असे दाखवले; मात्र आपण ग्रामस्थ यांच्या पाठींब्याने भाजप पक्षात प्रवेश केला, असे स्पष्टीकरण सरपंच संतोष पानवलकर यांनी काल रात्री दिले.
गावचा विकास भाजप करू शकतो. त्यामुळे आपण भाजमध्येच आहोत, असे सरपंच पानवलकर यांनी काल रात्री येथील भाजप कार्यालय येथे स्पष्ट केले. यावेळी त्यांच्यासोबत भानुदास येरम, अनिल येरम, उल्केश येरम, प्रकाश पाताडे, विश्वास हिरलेकर, गुरूदास घाडी तसेच भाजप जिल्हा सरचिटणीस अशोक सावंत, तालुकाध्यक्ष धोंडी चिंदरकर, जिल्हा बँक संचालक बाबा परब, राजन गावकर, महेश मांजरेकर, मंगेश गांवकर, संतोष कोदे, संतोष गावकर, दीपक सुर्वे आदी उपस्थित होते.