swt२५१.jpg
M04916
कोळोशीः वरचीवाडी येथील आगीत जळालेली काजू कलमे दाखविताना अनिल इंदप.

कोळोशी परिसरात वणव्यात
काजू बागा जळून भस्मसात
सकाळ वृत्तसेवा
नांदगाव, ता. २५ः कोळोशी वरचीवाडी येथील सुपाचा माळ येथे लागलेल्या वणव्यात अनिल इंदप यांची सुमारे ३०० हून अधिक काजू कलमे आगीच्या भक्ष्यस्थानी पडली. लगतच्या इतर बागायतदारांनाही याचा फटका बसला. या आगीमुळे बागायतदारांचे मोठे नुकसान झाले.
कोळोशी वरचीवाडी व आयनल मनेरवाडीच्या सीमेवर काही दिवसांपूर्वी दुपारच्या सत्रात अचानक आग लागली. काही मिनिटांतच आगीने रौद्ररुप धारण करून आजूबाजूचा सर्व परिसर आपल्या विळख्यात घेतला. या वणव्याने सर्व रानमाळ बेचिराख केला. यामध्ये अनिल इंदप यांची सुमारे ३०० हून अधिक काजू कलमे, वैभव सावंत यांची काजूबाग होरपळून गेली‌. आगीचा भडका इतका भयंकर होता की शेतकऱ्यांना डोक्याला हात लावून पाहण्यापलीकडे दुसरा पर्याय नव्हता. या आगीत मोठा परिसर बेचिराख झाल्याने माळरानावर गुरांना वैरणही शिल्लक राहिली नाही. ही आग नेमकी कशामुळे लागली, याचे कारण समजू शकले नाही; मात्र बागायतदारांचे मोठे नुकसान झाले.