धमकी प्रकरणी
एकाला जामीन
कणकवली : जेवणाच्या रागातून दयानंद मेस्त्री (५०, रा. वागदे) याने पत्नी व मुलांना शिवीगाळ करत जीवे मारण्याची धमकी दिली होती. त्‍यानंतर मेस्त्री याच्यावर कणकवली पोलिसात गुन्हा दाखल झाला होता. याप्रकरणी संशयित मेस्त्री याला अटक करून न्यायालयात हजर केले असता त्याची पंधरा हजाराच्या सशर्त जामिनावर मुक्तता झाली. संशयितातर्फे ॲड. मिलिंद सावंत यांनी काम पाहिले. याबाबत पोलिसांत मेस्त्री याच्या पत्नी शितल दयानंद मेस्त्री यांनी फिर्याद दिली होती. फिर्यादीत म्हटले होते की, सोमवारी (ता.२२) रात्री दयानंद मेस्त्रीने जेवणाच्या कारणावरून पत्नी व मुलांना शिविगाळ करत जिवे मारण्याची धमकी दिली. याबाबत पोलिसांनी संशयिताला अटक करून न्यायालयात हजर केले असता त्याची सशर्त जामिनावर मुक्तता झाली. पोलिस तपासात ढवळाढवळ न करणे, साक्षीदारांवर दबाव न आणणे, तपासाला सहकार्य करणे, अशा अटी घातल्या आहेत.