३६ (पान ५ साठी)

-rat२५p२५.jpg ः
२३M१८८०३
लांजा ः महाविकास आघाडीच्यावतीने तहसीलदारांना निवेदन देताना पदाधिकारी.
-------------

मणिपूरमधील घटनेविरोधात लांज्यात निदर्शने

लांजा, ता. २५ ः महाविकास आघाडीच्यावतीने तहसील कार्यालयासमोर जोरदार निदर्शने करण्यात आली. यानंतर लांजा तहसीलदारांना निवेदन सादर करण्यात आले.
मणिपूर येथे झालेल्या घटनेच्या पार्श्वभूमीवर काँग्रेस, राष्ट्रवादी काँग्रेस आणि शिवसेना ठाकरे गट या महाविकास आघाडीच्यावतीने २५ जुलैला राष्ट्रपती द्रौपदी मुर्मू यांना लांजा तहसीलदार प्रमोद कदम यांच्यामार्फत निवेदन सादर करण्यात आले. अनेक दिवस मणिपूरमध्ये हिंसाचार चालू आहेत. देशाचे पंतप्रधान आणि गृहमंत्री या घटनेकडे दुर्लक्ष करत आहेत, असे दिसून येत आहे. ही घटना ही अतिशय निंदनीय आहे. या घटनेची नैतिक जबाबदारी म्हणून पंतप्रधान नरेंद्र मोदी तसेच गृहमंत्री अमित शहा यांचा राजीनामा घेण्यात यावा आणि मणिपूरच्या मुख्यमंत्र्यांचा राजीनामा घेऊन मणिपूरमध्ये राष्ट्रपती राजवट लागू करावी, अशी मागणी निवेदनाद्वारे करण्यात आली आहे. निवेदन सादर करताना महाविकास आघाडी त्यामध्ये शिवसेनेचे तालुकाप्रमुख संदीप दळवी, शहरप्रमुख नागेश कुरूप, युवा अधिकारी प्रसाद माने तसेच मनोहर रेडीज, संजय पाटोळे, प्रवीण जेधे आदींसह अन्य पदाधिकारी उपस्थित होते.