M20266
मालवणः दैवज्ञ हितवर्धक समाजाच्या वतीने नाना शंकरशेट यांना अभिवादन करण्यात आले.

M20267
मालवणः येथे विशेष पुरवणीचे प्रकाशन करण्यात आले.

नाना शंकरशेट यांना
मालवणात अभिवादन
मालवण, ता. ३१ : नामदार नाना शंकरशेट यांनी केलेले समाजकार्य हे सर्व समाजासाठी होते. त्यामुळे नानांच्या विषयी प्रलंबित मागण्या केंद्र, राज्य सरकारने तातडीने पूर्ण करण्यासाठी प्रयत्न करावेत, असे प्रतिपादन सराफ असोसिएशनचे अध्यक्ष अनिल मालवणकर यांनी आज येथे केले.
येथील दैवज्ञ हितवर्धक समाजातर्फे दैवज्ञ भवनच्या प्रांगणातील नाना शंकरशेठ यांच्या अर्धाकृती पुतळ्यास सराफ असोसिएशनचे अध्यक्ष अनिल मालवणकर यांच्या हस्ते पुष्पहार अर्पण करून अभिवादन करण्यात आले. यावेळी नानांच्या १५८ व्या पुण्यतिथीचे औचित्य साधून ‘सकाळ’च्यावतीने काढलेल्या ‘स्मृतिदिन’ या विशेष पुरवणीचे प्रकाशनही करण्यात आले. यावेळी दैवज्ञ हितवर्धक समाज, मालवणच्या वतीने ‘सकाळ’चे आभार मानण्यात आले. यावेळी अरविंद सराफ, रमेश आचरेकर, उत्तम पेडणेकर, सिद्धार्थ जामसांडेकर, गणेश प्रभुलकर, विनायक निवेकर, राजेश कुडाळकर, शैलेश बेलवलकर, रश्मी आचरेकर संजीवनी कुडाळकर, रिया कुडाळकर आदी उपस्थित होते. गजानन मांलडकर यांनी प्रास्ताविक केले. विनोद रेवणकर यांनी आभार मानले.