३२ (पान २ साठी)

हिंदू जनजागृती समितीच्या
रमेश शिंदेंचा उद्या सत्कार

रत्नागिरी, ता. २४ ः स्वातंत्र्यवीर सावरकर यांचे हिंदू संघटन आणि हिंदू राष्ट्रनिर्मितीचे स्वप्न साकार करण्यासाठी देशभरात प्रवास करून हिंदूंमध्ये जागृती आणि संघटन करणारे हिंदू जनजागृती समितीचे राष्ट्रीय प्रवक्ते रमेश शिंदे यांचा शनिवारी (ता. २६) रत्नागिरीत सत्कार व व्याख्यानाचे आयोजन केले आहे. शिंदे यांना नुकताच उत्तरप्रदेशचे मुख्यमंत्री योगी आदित्यनाथ यांच्या हस्ते दिल्ली नोएडा येथे सांस्कृतिक योद्धा पुरस्काराने सन्मानित करण्यात आले. या निमित्त माळनाका येथील जयेश मंगल पार्क येथे सायंकाळी ६ वा. जाहीर सत्कार करण्यात येणार आहे. या वेळी त्यांचे ''हिंदू धर्मावरील सर्व आघातांवर उपाय हिंदू राष्ट्र'' या विषयावर व्याख्यानही होणार आहे. लव्ह जिहाद आणि हलाल जिहाद या समस्यांच्या संदर्भातील पहिला ग्रंथ लिहिला आहे. त्यांच्या सत्कार व्याख्यानास हिंदूंनी बहुसंख्येने उपस्थित राहावे, असे आवाहन सकल हिंदू समाजाच्यावतीने करण्यात आले आहे.