५३७२७

मळेवाड येथील भजन स्पर्धेत
पिंगुळी महापुरुष मंडळ प्रथम
सकाळ वृत्तसेवा
सावंतवाडी, ता. २६ ः भजनप्रेमी मित्रमंडळ मळेवाड-कोंडुरे आयोजित जिल्हास्तरीय संगीत भजन स्पर्धेत पिंगुळीचे महापुरुष प्रासादिक भजन मंडळाने प्रथम क्रमांक पटकावला. द्वितीय क्रमांक न्हावेलीच्या श्री देवी भवानी प्रासादिक भजन मंडळाने, मातोंड-सावंतवाडा श्री देव इसोटी प्रासादिक भजन मंडळाने तृतीय क्रमांक पटकावला. स्पर्धेचा उर्वरित निकाल असा ः उकृष्ट गायक-अक्षय कांबळी (श्री स्वामी समर्थ प्रासादिक, शेर्ले) उकृष्ट हार्मोनियम-नीलेश आरोलकर (श्री देवी सातेरी प्रासादिक, सातोळी), पखवाज-प्रथमेश राणे (महापुरुष प्रासादिक, पिंगुळी), उकृष्ट तबला-ओंकार तळवणेकर (स्वामी समर्थ प्रासादिक, शेर्ले), उत्कृष्ट झांज-शिवराम सावंत (श्री देव इसोटी प्रासादिक, सावंतवाडा), उकृष्ट कोरस-श्री देवी माऊली प्रासादिक साटेली, राग सादरीकरण-प्रसाद आमडोसकर (महापुरुष प्रासादिक, पिंगुळी), शिस्तबद्ध संघ-श्री दत्तकृपा प्रासादिक, वैभववाडी यांना गौरविण्यात आले. प्रथम तीन क्रमांकांना अनुक्रमे ५०००, ३००० व २००० रुपये, वैयक्तिक सादरीकरणास प्रत्येकी ५०० रुपयांचे पारितोषिक व चषक देऊन गौरविण्यात आले. स्पर्धेत आठ संघांनी सहभाग घेतला. परीक्षक अमेय गावडे (पाडलोस) व वैभव परब (तुळस) यांनी काम पाहिले. प्रवीण बर्वे यांनी सूत्रसंचालन केले.