ठाकरे गटातर्फे
पदाधिकारी नियुक्त
देवगड, ता. २८ः तालुका ठाकरे गट शिवसेनेच्या नव्या निवडी पक्षाकडून जाहीर करण्यात आल्या. यामध्ये तालुका समन्वयकपदी सुनील तेली यांची तर महिला संघटकपदी हर्षा ठाकूर यांची नियुक्ती करण्यात आली. उपजिल्हाप्रमुखपदी यदुनाथ ठाकूरदेसाई, निवृत्ती उर्फ बुवा तारी आणि तालुकाप्रमुखपदी मिलिंद साटम आणि जयेश नर यांची नियुक्ती केली आहे. ठाकरे गट शिवसेना पक्षाच्या तालुक्यातील पदाधिकार्‍यांची नियुक्ती जाहीर झाली आहे. यामध्ये उपजिल्हाप्रमुखपदी यदुनाथ ठाकुरदेसाई (जिल्हा परिषद विभाग फणसगाव, बापर्डे, पडेल, पुरळ), तर नगरसेवक निवृत्ती उर्फ बुवा तारी (शिरगाव, किंजवडे, मिठबाव, देवगड शहर) यांची या विभागासाठी, तर देवगड तालुकाप्रमुखपदी मिलिंद साटम (शिरगाव, किंजवडे, मिठबाव, देवगड शहर या विभागासाठी), जयेश नर यांची (फणसगाव, बापर्डे, पडेल, पुरळ या विभागासाठी) नियुक्ती केली आहे. देवगड तालुका समन्वयकपदी सुनील तेली यांची (फणसगाव, बापर्डे, पडेल, पुरळ) या विभागासाठी, देवगड तालुका महिला संघटकपदी हर्षा ठाकूर यांची (शिरगाव, किंजवडे, मिठबाव, देवगड शहर) या विभागासाठी नियुक्ती केली असल्याची माहिती देण्यात आली.