४२ (पान ४ साठी)

दापोलीत दिवसभर मळभ

दाभोळ ः वाढलेल्या आर्द्रतेमुळे ३२, ३३ अंश तापमानही जीवघेणे ठरत आहे. दिवसभरात अनेकदा मळभाचे वातावरण तयार होत असल्याने घामाच्या धारांनी लोक हैराण झाले आहेत. मान्सूनपूर्व स्थितीसारखे हवामान तयार झाले असल्याने पाऊस कधीही हजेरी लावेल, असे चित्र तयार झाले आहे. अन्य महाराष्ट्राइतका कोकणातील पारा ३३ ते ३५ अंशाच्या पुढे गेला नसला तरी सातत्याने हवेतील आर्द्रता ८५ टक्क्यांपेक्षा अधिक आहे. त्यामुळे घाम येण्याचे प्रमाण वाढले आहे. या सततच्या घामामुळे थकवा येत असल्याने सध्या आजारपणाची साथ आली आहे. अर्थात, पावसाचे आगमन लांबणीवर पडावे, अशी अपेक्षा बागायतदार व्यक्त करत आहेत.