५० (पान ३ साठी)

पोलिस नाईक स्वप्नील जाधव यांचा
आकस्मिक मृत्यू

रत्नागिरी ः संगमेश्वर पोलिस ठाण्यात कार्यरत असलेले पोलिस नाईक येथील न्यायालयात कर्तव्यावर असताना अचानक छातीत दुखू लागले. अधिक उपचारासाठी कोल्हापूर येथे नेत असताना साखरपा येथील रुग्णालयात दाखल केले असता. तेथील वैद्यकीय अधिकाऱ्यांनी तपासून मृत घोषित केले. शहर पोलिस ठाण्यात आकस्मिक मृत्यूची नोंद करण्यात आली आहे. स्वप्नील केशव जाधव (३७, रा. जाकिमिऱ्या आनंदनगर, रत्नागिरी) असे त्यांचे नाव आहे. ही घटना रविवारी (ता. २) दुपारी दोनच्या सुमारास प्राथमिक केंद्र साखरपा येथे घडली. पोलिसांकडून मिळालेल्या माहितीनुसार स्वप्निल जाधव हे शनिवारी (ता. १) न्यायालयात कर्तव्यावर असताना त्यांना अस्वस्थ वाटू लागले. त्यामुळे ते घरी गेले पुन्हा रविवारी पहाटे ४ च्या सुमारास त्यांना पुन्हा उलट्या व छातीत दुखू लागल्याने नातेवाईकांनी त्यांनी येथील खासगी रुग्णालयात दाखल केले होते. अधिक उपचारासाठी कोल्हापूर येथे जात असताना साखरपा येथे त्यांची तब्येत बिघडल्याने साखरपा येथे प्राथमिक आरोग्य केंद्रात दाखल केले असता तेथील वैद्यकीय अधिकाऱ्यांनी तपासून मृत घोषित केले.