94300

पोदारचे मुख्याध्यापक
राकेश चव्हाणांचा सन्मान
सकाळ वृत्तसेवा
रत्नागिरी, ता. २ : पोदार इंटरनॅशनल स्कूलचे मुख्याध्यापक राकेश चव्हाण यांना सायन्स ऑलिंपियाड फाउंडेशनकडून सर्वोत्कृष्ट जिल्हा प्राचार्य पुरस्काराने सन्मानित केले आहे. हा प्रतिष्ठित पुरस्कार त्यांच्या शाळेच्या विद्यार्थ्यांनी एसओएफ ऑलिंपियाडमध्ये मिळवलेल्या उल्लेखनीय यशासाठी प्रदान करण्यात आला. चव्हाण यांच्या मार्गदर्शनाखाली पोदार इंटरनॅशनल स्कूलने विज्ञान ऑलिंपियाडमध्ये उत्कृष्ट कामगिरी केली आहे. त्यांच्या कठोर परिश्रम, समर्पण आणि विद्यार्थ्यांच्या शैक्षणिक विकासासाठीच्या कटिबद्धतेमुळे शाळेने हा मान मिळवला आहे. या उल्लेखनीय यशाबद्दल पोदार इंटरनॅशनल स्कूलचे शिक्षक, विद्यार्थी आणि पालकांनी अभिनंदन केले.