भगवद्‍गीता कंठस्थ स्पर्धेत
सोनाली देसाई यांचे यश

सकाळ वृत्तसेवा
सावंतवाडी, ता. ३ : श्री श्री जगद्‌गुरु शंकराचार्य महासंस्थान, श्री शारदापीठ कर्नाटक येथे झालेल्या संपूर्ण भगवद्‍गीता कंठस्थ स्पर्धेत उसगाव येथील सोनाली देसाई यांना पारितोषिक प्राप्त झाले. त्या पूर्वाश्रमीच्या सावंतवाडी-खासकीलवाडा येथील आहेत.
अखिल भारतीय पातळीवर होणाऱ्या या कठीण अशा परीक्षेत सोनाली देसाई यांनी यश प्राप्त केल्याने त्यांचे अभिनंदन होत आहे. भगवद्‍गीतेचे १८ अध्याय व ७०० श्लोक त्यांनी न चुकता सादर केले. श्रृंगेरी मठाधीश शंकराचार्य विदुशेखर भारती यांच्या हस्ते त्यांना प्रशस्‍तिपत्र व रोख पारितोषिक देण्यात आले. या यशात अक्षय सावईकर, संजय मुंडले, आदी गुरुजनांसह बालमैत्रिण मानसी कानिटकर-घारपुरे यांचीही मोलाची मदत मिळाल्याचे देसाई यांनी सांगितले. गोवा राज्यातून भगवद्‍गीता कंठस्थ स्पर्धेत सहभागी व्हायचे असल्यास स्पर्धकांना मोफत मार्गदर्शन करू, असेही त्यांनी सांगितले.
94559