01540
‘महसूल पंधरावडा’ उपक्रमाचे
जिल्ह्यात भाजपकडून कौतुक

सकाळ वृत्तसेवा
ओरोस, ता. १ ः राज्यात आजपासून होणाऱ्या महसूल दिनाच्या नमित्ताने भाजपा जिल्हाध्यक्ष प्रभाकर सावंत यांनी जिल्हाधिकारी किशोर तावडे, मुख्य कार्यकारी अधिकारी मकरंद देशमुख यांच्यासह महसूल प्रशासनातील अधिकाऱ्यांची सदिच्छा भेट घेत महसूल पंधरवड्याच्या शुभेच्छा दिल्या. यावेळी माजी आमदार राजन तेलीही उपस्थित होते.
महसूल विभागाकडून देण्यात येणाऱ्या सेवा आणि विभागाद्वारे राबविण्यात येणाऱ्या विविध योजना याबाबत राज्यातील नागरिकांना अधिकाधिक माहिती प्राप्त होऊन त्यांना योग्य व सुलभ लाभ घेता यावा, त्याबाबत नागरिकांमध्ये जागरुकता वाढावी, शासनाबद्दल आणि शासनाच्या कामकाजाबद्दल नागरिकांचा विश्वास वृद्धींगत व्हावा, यासाठी लोकाभिमुख उपक्रम राबविण्याच्या उद्देशाने गतवर्षी आज महसूल दिनापासून ‘महसूल सप्ताह’ साजरा करण्याचा निर्णय घेतला आहे. गेल्यावर्षीच्या महसूल सप्ताहादरम्यान राबविलेले विविध कार्यक्रम आणि शिबिरे यांचे यशस्वी आयोजन आणि मिळालेला जनप्रतिसाद विचारात घेऊन, महसूल दिनानिमित्त अधिकाधिक लोकाभिमुख कार्यक्रम राबविणे शक्य व्हावे यासाठी यावर्षीही ‘महसूल पंधरवडा-२०२४’ आयोजित करण्याबाबत शासनाने निर्णय घेतला आहे. राबविण्यात येणाऱ्या सर्व उपक्रमासाठी भाजपचे पदाधिकारी आणि कार्यकर्ते शासनाला सहाय्यभूत ठरेल, असे काम करतील असे अभिवचन सावंत यांनी दिले.