सकाळ वृत्तसेवा
नांदगाव, ता. २ ः सिंधुदुर्ग एज्युकेशन सोसायटी संचालित श्री सरस्वती इस्टिट्यूट ऑफ बी. फार्मसीचा तृतीय वर्षाचा निकाल १०० टक्के लागला. कॉलेजमधून तृतीय वर्षात तन्वी वाटवे हिने ८.४ ग्रेड पॉइंट (एसजीपीए) गुण मिळवून प्रथम क्रमांक प्राप्त करीत घवघवीत यश प्राप्त केले.

डॉ. बाबासाहेब आंबेडकर तंत्रशास्त्र विद्यापीठ, लोनेरेकडून घेतलेल्या बी. फार्मसी पदवी परीक्षा जून २०२४ साठी तोंडवली बी. फार्मसी कॉलेजमधून तृतीय वर्षात ७५ विद्यार्थी प्रविष्ठ झाले होते. पैकी ७५ विद्यार्थी चांगल्या गुणासह उत्तीर्ण झाले आहेत. सुयश मांडवकर, हर्ष जुवाटकर आणि वैष्णवी रुमडे यांनी प्रत्येकी ८.२७ ग्रेड पॉईंट (एसजीपीए) गुण मिळवून द्वितीय क्रमांक प्राप्त केला तर मैथली धोंड हिने ८.२ ग्रेड पॉईंट (एसजीपीए) गुणांसह तिसरा क्रमांक प्राप्त केला.

सर्व उत्तीर्ण विद्यार्थ्यांचे सिंधुदुर्ग एज्युकेशन सोसायटीचे अध्यक्ष वसंत सावंत, सचिव निखिल सावंत, प्राचार्य तुकाराम केदार, प्रशासकीय अधिकारी विनायक चव्हाण, परीक्षा विभाग प्रमुख प्रा. अनुराधा भोई, प्रा. कविता पवार आदींनी अभिनंदन केले.