-rat२६p१७.jpg-
P२४N०७०७१
रत्नागिरी : राष्ट्रसेविका समितीच्या हस्तलिखितांचे प्रकाशन करताना वरूण पंडित, भरत इदाते आणि दीपा पाटकर, सुनेत्रा जोशी.
-------------
मातृप्रेरणा, कुसुम हस्तलिखितांचे प्रकाशन
सकाळ वृत्तसेवा
रत्नागिरी, ता. २७ : राष्ट्रसेविका समितीच्या रत्नकोंदण, रेणुका प्रतिष्ठान यांच्या संयुक्त विद्यमाने मातृप्रेरणा आणि हस्तलिखित कुसुम यांचा प्रकाशन सोहळा नुकताच झाला. राष्ट्रीय स्वयंसेवक संघ शहर कार्यवाह वरूण पंडित, भरत इदाते उपस्थित होते.
रेणुका प्रतिष्ठानच्या अध्यक्षा दीपा पाटकर यांनी प्रमुख अतिथींचे गुलाबपुष्प आणि सेविका अंक देऊन स्वागत केले. दक्षिण रत्नागिरी जिल्हा कार्यवाहिका मीरा भिडे यांनी प्रस्तावना केली. रेणुका प्रतिष्ठान सचिव मानसी डिंगणकर यांनी प्रमुख अतिथींचा परिचय करून दिला. अर्चना वैशंपायन यांनी जिजामातेचे गीत सादर केले. वरूण पंडित यांनी त्यांच्या भाषणात जिजामातेच्या मातृशक्तीचे अनेक पैलू वेगवेगळ्या वेळी घडलेल्या घटनेतून उलगडून दाखवले. मातृशक्ती या विषयावर अनुराधा आपटे यांनी आपले विचार व्यक्त केले. रत्नकोंदण प्रमुख सुनेत्रा जोशी यांनी रत्नकोंदणच्या उपक्रमाची माहिती सांगून हस्तलिखित कुसुमचा प्रवास, हस्तलिखिताबाबत माहिती दिली. सूत्रसंचालन शहर कार्यवाहिका शमिका गद्रे यांनी केले. कोकण प्रांत सहकार्यवाहिका दांडेकर यांनी आभार मानले.
---------
-------