‘विघ्नहर्ता तू मोरया’ गाणे प्रदर्शित
मंडणगडचे संकेत शिर्के यांचे संगीत
मंडणगड, ता. १५ ः मंडणगड तालुक्यातील युवा संगीतकार संकेत शिर्के यांनी संगीतबद्ध केलेले देशातील महिलांवर होणाऱ्या अन्यायाविरुद्ध भाष्य करणारे आणि महिलांनी वेळ वाया न घालविता स्व संरक्षणासाठी एक पाऊल पुढे टाकण्याची गरज असल्याचा संदेश देणारे गाणं गणेश चतुर्थीच्या शुभ मुहूर्तावर इनो म्युझीक युट्यूब चॅनल वर प्रदर्शित झाले आहे. समाज माध्यमात ते चांगलेच व्हायरल होवून रसिक प्रेक्षकांचे पसंतीस उतरले आहे.
गाणे मयूर सुकाळे ( गाऊ नको किसना आणि जीव झाला बाजींद फेम ) व गौरव चाटी (हिरकणी, गदर २, दगडी चाल २ फेम ) यांनी गायले असून सुप्रसिद्ध गीतकार तसेच गझलकार आनंद पेंढारकर यांनी गीत लिहीले आहे. या गाण्याचे संगीतकार मंडणगड येथील संकेत शिर्के हे आहेत. संकेत शिर्के यांनी यापूर्वी माझ्या विठ्ठल-आदर्श शिंदे, जीव झाला बाजींद- मयूर सुकाळे तसेच मन नाचरे अशा अनेक गाण्यांना संगीतबद्ध केले आहे.