-ratchl२६.jpg-
२४N१५६५६
डॉ. मनीषा वाघमारे
----------

डॉ. मनीषा वाघमारे ‘डबल एसआर’
सकाळ वृत्तसेवा
चिपळूण, ता. ३ ः सह्याद्री रँडोनिअर्स, चिपळूण या ऑडाक्स क्लबतर्फे आयोजित पाटण पंढरपूर पाटण असा ६०० किमी बीआरएम पूर्ण करून येथील डॉ. मनीषा वाघमारे यांनी एकाच वर्षात डबल एसआर बनण्याचा बहुमान पटकावला आहे. एकाच वर्षात २०० किमी, ३०० किमी, ४०० किमी, ६०० किमी बीआरएम पूर्ण केल्यानंतर एसआर (सुपर रँडोनिअर) हा किताब मिळतो.
डॉ. वाघमारे या चिपळूण सायकलिंग क्लबच्या अग्रणी महिला रायडर राहिल्या आहेत. त्यांनी आजवर अनेक सायकलिंग स्पर्धेत सहभागी होत आपला ठसा उमटवला आहे. पहिली एसआर सीरिज पूर्ण केल्यानंतर १ हजार किमी बीआरएम पूर्ण करून ही बीआरएम पूर्ण करणारी कोकणातील पहिली महिला रायडर बनण्याचा मान त्यांनी मिळवला आहे. डॉ. वाघमारे या नामांकित नेत्रतज्ज्ञ असून विविध वैद्यकीय संघटनांमध्ये त्या कार्यरत आहेत. या आधी त्यांनी कोल्हापूर, सांगली, रत्नागिरी येथील डुएथलॉन, सायक्लोथॉनमध्ये भाग घेऊन आपली छाप उमटवली आहे. त्या इंटरनॅशनल योगा शिक्षकसुद्धा आहेत.