तीन पत्ती जुगारावर
सावंतवाडीत कारवाई
सकाळ वृत्तसेवा
सावंतवाडी, ता. ३ः शहरातील बाहेरचावाडा येथे तीन पत्ती जुगारावर पोलिसांनी छापा टाकत कारवाई केली. या कारवाईत रोख रकमेसह दोन लाख ५ हजार ५१० रुपयांचा मुद्देमाल जप्त केला आहे. त्यात मोबाईलसह स्कूटरचा समावेश आहे. ही कारवाई बुधवारी (ता. २) रात्री उशिरा करण्यात आली. याप्रकरणी पोलिसात एकूण सहा जणांवर गुन्हा दाखल केला आहे. या सर्वांना नोटीस देऊन सोडून देण्यात आले.
सावंतवाडी बाहेरचावाडा येथील एका बिल्डिंगच्या मागे असलेल्या रहिवासी इमारतीत तीन पत्ती जुगार सुरू असल्याची माहिती पोलिसांना मिळाली. त्यानुसार पोलिस उपनिरीक्षक प्रमोद पाटील यांच्या मार्गदर्शनाखाली पोलिसांनी या जुगारावर छापा टाकला. या कारवाईत २ लाख ५ हजार ५१० रुपयांचा मुद्देमाल जप्त करण्यात आला.
याप्रकरणी संदेश बिडये, विनायक पराडकर, राहिल लिंगप्पा राठोड, बॉबी फिलिप्स परेरा, याकूब शहान शेख आदी संशयितांवर मुबई जुगार प्रतिबंधात्मक कायद्यान्वये गुन्हा दाखल केला. या सर्वांना नोटीस देऊन सोडून देण्यात आले. अधिक तपास पोलिस उपनिरीक्षक प्रमोद पाटील, पोलिस उपनिरिक्षक सरदार पाटील करीत आहेत. याबाबतची माहिती ठाणे अंमलदार यांनी दिली.