बसणी सोसायटीचा हीरक महोत्सव
सकाळ वृत्तसेवा
रत्नागिरी, ता. १९ः तालुक्यातील बसणी विकास सेवा सोसायटीचा हीरक महोत्सव उत्साहात साजरा करण्यात आला. या वेळी धार्मिक व सांस्कृतिक कार्यक्रमांचे आयोजन करण्यात आले होते. बसणी विकास सेवा सोसायटी ६० वर्षे कार्यरत आहेत. सोसायटीच्या माध्यमातून शेतकऱ्यांना शेतीच्या कालावधीत कर्जपुरवठा केला जातो. सोसायटीच्या दिवंगत सभासदांच्या कुटुंबांना तातडीची मदत म्हणून आर्थिक मदतही केली जाते. नुकत्याच झालेल्या सोसायटीच्या या हीरक महोत्सवानिमित्त श्री सत्यनारायणाची महापूजा झाली. या वेळी संस्थेचे सभासदांसह ग्रामस्थांनी या पूजेला वर्णी लावली. या वेळी सोसायटीचे अध्यक्ष जयवंत कदम, सदस्य दादा तोडणकर, कमिटी सदस्य प्रशांत बंदरकर, अनंत मांडवकर, सुहासिनी बारगोडे यांच्यासह बसणी गावातील शेतकरी, ग्रामस्थ यांनी पूजेच्या तीर्थप्रसादाचा लाभ घेतला.